et Lorn magistro hospitii nostri Patricio comite de Boithvile domino Halis Matheo comite de Levenax domino Dernlie et Alexandro domino Hume magno camerario nostro Andrea domino Gray justiciario nostro venerabili in Cristo patre Jacobo abbate de Dunfermling thesaurario nostro et dilecto clerico nostro Magistro Gawino Dunbar archidiacono Sancti Andree nostrorum rotulorum et registri ac concilii clerico Apud Edinburgh undecimo die mensis Octobris anno Domini millesimo quingentesimo sexto et regni nostri decimo nono.

Carta de annuo reditu de piscariis de Dowerne.

50. Omnibus hanc cartam visuris vel audituris Alexander Ogilvy de Deskfurd salutem . noveritis me . . vendidisse. . . reverendo in Christo patri... Willelmo miseratione divina Episcopo Aberdonensi Cancellario Universitatis eiusdem ac fundatori novi collegii beate Marie virginis in eadem totum et integrum illum meum annuum redditum novemdecim marcarum usualis monete Scotie michi jure hereditario pertinentem de firmis piscariarum regiarum omnium et singularum aquarum de Dowerne burgo de Banff spectantium Tenendum . . . in feodo et hereditate imperpetuum ffaciendo inde . . . servitia . . . debita et consueta et per dictos magistros regentes et prebendarios prefati novi Collegii pro anima mea et anima quondam Jacobi Ogilvy de Deskfurd militis avi mei orationum suffragia devotarum tantum . . . In cuius Rei testimonium huic presenti carte mee sigillum meum est appensum apud burgum de Aberdene octavo die mensis Maii anno Domini millesimo quingentesimo duodecimo Testibus venerabilibus honorabilibusque viris magistris et dominis Thoma Myrtoun archidiacono Abirdonensi Andrea Elphinstoun de Selmys Alexandro Wardlaw de Warrextoun Alexandro Gallouay canonico Aberdonensi Magistro Alexandro Ogilvy in Glassaucht Willelmo Elphinstoun et Johanne Stirveling notario publico Alex' Ogylwy of Deskfurd.

51. Preceptum Sasine super prefata carta 8 Maii 1512.

Confirmatio Regia.

...

Nos quandam cartam factam per consiliario dilecto Willelmo Epis

52. Jacobus Dei gratia Rex Scottorum Alexandrum Ogilvy de Deskfurd copo Aberdonensi [ut supra No. 50.] . . . in omnibus suis punctis . approbamus et ratificamus . . . Testibus reverendissimo reverendisque in Cristo patribus Alexandro Sancti Andree archiepiscopo etc. Cancellario nostro Andrea Episcopo Cathanensi thesaurario nostro David Candide Case nostreque capelle regie Strivilengensis Episcopo dilectis consanguineis nostris Archibaldo comite de Ergile . . . magistro hospitii nostri Matheo comite de Levinax Alexandro domino Hume magno camerario nostro Andrea domino Gray justiciario nostro dilectis clericis nostris Magistris Gawino Dunbar archidiacono Sancti Andree nostrorum rotulorum registri et consilii clerico Patricio Paintere rectore de Tannadess secretario nostro et Roberto Colvile de Uchiltre nostre cancellarie directore Apud Edinburgh vicesimo octavo die mensis Maii anno Domini millesimo quingentesimo duodecimo et regni nostri vicesimo quarto .

Annuus reditus de Creichmond.

53. Universis Christi fidelibus hanc cartam visuris vel audituris dominus Willelmus Elphinstoun prebendarius de Clatt ac canonicus ecclesie cathedralis Abirdonensis salutem . . . Quia per devotas orationes ac missarum celebrationes ubi Cristus Dei filius pro peccatis nostris patri offertur presertim creditur peccata remitti purgatorii penas demolliri et ab eis defunctorum animas frequentius liberari ac in paradisi gaudiis collocari Unde noveritis me in augmentum divini cultus honorem Dei omnipotentis beatissime virginis Marie et omnium celestium civium superiorum pro salute anime reverendissimi in Christo patris ac domini Willelmi Elphinstoun . . . Abirdonensis Episcopi domini mei metuendissimi animabusque quondam Johannis Elphinstoun de eodem et Alexandri Elphinstoun filii sui domini de Elphinstone moderni militis animabus quondam Jacobi Elphinstone patris mei et Isabelle Bruys matris mee anime mee fratrum sororum meorum amicorum consanguineorum et omnium fidelium defunctorum ac precipue animabus illorum a quibus aliqua bona minus iuste habui seu adeptus fui dedisse .. perdoctis et discretis viris capellanis chori ecclesie novi Collegii Universitatis

...

Abirdonensis per dictum reverendum in Christo patrem nuper fundate unum annuum redditum quatuor marcarum usualis monete Scotie annuatim exeuntem . . . de totis et integris terris dimidietatis de Creichmond cum parte molendini earundem David Leslie de Petcapill hereditarie pertinentibus jacentibus in regalitate de Gareauch infra vicecomitatum de Abirdene ex meo proprio conquestu recuperatum Tenendum in puram et perpetuam elimosinam imperpetuum . . . ffaciendo et celebrando dicti capellani prefate ecclesie collegiate et sui successores capellani perpetui eiusdem annuatim et ebdomidatim singulis annis imperpetuum omni feria quarta unam missam de nomine dulcissimi Jesu Cristi videlicet In nomine Jesu omne genu flectatur et aliam missam de nota in cantu gregoriano omni feria sexta de quinque vulneribus Cristi videlicet Humiliavit semetipsum dominus noster Jesus Christus etc. singulis ebdomidibus imperpetuum in summo solio crucifixi dicte ecclesie Collegiate cum oratione Omnipotens sempiterne Deus qui vivorum dominaris pro salute animarum predictarum Insuper prefati capellani et sui successores annuatim celebrabunt futuris temporibus etiam imperpetuum pro anima mea et animabus supradictis in sabato post decessum meum cum contigerit unum anniversarium ad summum altare dicte ecclesie videlicet exequias defunctorum cum placebo et dirige in dicto sabato Et missam de nota de requie in dominica inde sequenti cum ceteris missis trigintalis per ebdomitam de quoquidem annuo redditu collector dictorum capellanorum qui pro tempore fuerit annuatim capiet et solvet capellanis in dicto anniversario interessentibus et nulli alteri duodecim solidos Et preconem cum campana minore pre toto novo burgo Abirdonensi circumire faciet in dicto sabato ut incitetur populus ad deprecandum pro animabus supradictis cui preconi dictus collector dabit quatuor denarios ac tabulam super monimentum in dicto anniversario locabit idem pallio decenti cooperiet luminaria cerea inveniet pro quibus allocabuntur sibi duodecim denarii annuatim . . . Et sacristam prefate ecclesie campanas solitas trina vice ad huiusmodi exequias et similiter ad missam de requie cantatam pulsare ut moris est faciet prout in consimilibus anniversariis habetur tantum pro omni alio servicio In cuius Rei testimonium huic presenti carte mee sigillum meum est appensum Apud Universitatem Abirdonensem tertio die mensis Octobris anno Domini millesimo quingentesimo duodecimo magistris et dominis Thoma Myrtone archidiacono Roberto Elphinstoun thesaurario Aberdonensi Alexandro Gallouay prebendario de Durris et canonico eiusdem Andrea Elphinstone de Selmys Alexandro Wardlaw de Warrextoun et Willelmo Elphinstoun cum diversis aliis

coram

...

54. Preceptum Sasine super prefata carta 4 Decembris 1512.

55. Instrumentum Sasine 6 Octobris [Decembris] 1512.

Collatio Henrici Spittale in officium primum legentis in jure canonico. 56. Willelmus divina miseratione Episcopus Abirdonensis eiusdem Universitatis Cancellarius principali regenti in theologia et artibus Collegii nostri in eadem Universitate seu cuicunque alteri regenti eiusdem super presentium executione debite requisito salutem . . Quia officium primum legentis in jure canonico nostre Universitatis cum prebenda beate Marie de nivibus. eidem annexa secundum formam fundationis Collegii nostri in eadem Universitate de jure et de facto vacans per mortem quondam venerabilis viri Magistri Johannis Lindesay in eisdem juribus licentiati ad nominationem venerabilium virorum rectoris dicte Universitatis principalisque dicti Collegii aliorumque magistrorum ad hoc specialiter institutorum nostramque collationem seu admissionem spectans dilecto clerico nostro Magistro Henrico Spittale in legibus licentiato per dictos rectorem principalem et alios magistros in dicta fundatione contentos concordi nominatione et electione nobis litteratorie tanquam idoneo et abili ad huiusmodi officium lecture exercendum et regendum nominato seu presentato per annuli nostri digito suo impositionem unacum prebenda et mansione eidem annexa omnibusque et singulis fructibus . . . salva summa quinque marcarum de dictis fructibus singulis annis imperpetuum cuidam regenti in grammaticalibus apostolica auctoritate etc. reservata contulimus . . . curam regimen et administrationem eiusdem eidem plenarie committentes . . . In quorum omnium et singulorum fidem et testimonium premissorum presentes litteras. . . exinde fieri fecimus et per notarium publicum subscriptum subscribi et publicari mandavimus sigillique nostri rotundi jussimus et fecimus appensione communiri Data et acta erant hec super monte quo itur ad Cowy hora septima vel eocirca ante merediem mensis vero Junii die decimo sexto anno Domini millesimo quingentesimo decimo tertio . . . presentibus ibidem venerabilibus et discretis viris Magistris Roberto Elphinstoun thesaurario Abirdonensi Gilberto Chalmer Thoma Chalmer curato Abirdo

nensi Thoma Elphinstoun Willelmo Elphinstoun cum diversis aliis testi

bus ..

Et ego Alexander Louson etc.

Annexatio prebende de Auchindoir .

57. Universis sancte matris ecclesie filiis Willelmus . . . Abirdonensis Episcopus salutem . . . cupientes . . . honorem Dei omnipotentis . . necnon ad instantiam venerabilis viri domini Thome Myrtoun archidiaconi ecclesie nostre cathedralis rectorisque perpetui ecclesie perrochialis de Auchindoir nostre diocesis . . . de . . . consensu serenissimi et invictissimi principis Jacobi quinti Scotorum Regis illustrissimi serenissimeque principisse eiusdem regis matris carissime ac tutricis testamentarie eius sub sigillo rotundo et manuali subscriptione ad quem de jure presentatio pertinet . . . verum etiam consensu . . . doctorum magistrorum et scolarium aliorumque interesse habentium . . . Universitatis et Collegii ejus in meram et liberam prebendam cum omnibus et singulis fructibus redditibus et pertinentibus ereximus creavimus annexuimus dicto Collegio dictumque dominum Thomam pro se et suis successoribus prebendariis dicte ecclesie in confratrem concanonicum et conprebendarium perpetuum dicti Collegii recepimus et recipi fecimus cum omnibus et singulis privilegiis libertatibus . . . quibus alii prebendarii seu canonici eiusdem Collegii gaudent scu inposterum gaudere valebunt . . . sic videlicet quod omnes et singuli fructus dicte ecclesie prebendate de Auchindoir tam rectorie quam vicarie unacum terra ecclesiastica eiusdem apud dictum dominum Thomam et successores suos prebendarios dicte ecclesie pro perpetuo remaneant presentantes nobis ydoneum vicarium cum vacare contigerit duodecim marcarum cum mansione et tofto convenienti qui animarum curam dicte ecclesie debite exercebit Necnon in dicto Collegio unum stallarium in cantu peritum cum habitu decenti et superpellicio personaliter in dicto Collegio faciendo cum ceteris stallariis seu pueris dicti Collegii in choro eiusdem residentiam Quiquidem dominus Thomas et successores sui imperpetuum solvent singulis annis eidem stallario ad terminos consuetos dicti Collegii summam quatuor marcarum usualis monete Regni Scotie unacum superpellicio decenti et honesto salvis semper