mihi notario testibusque infrascriptis constitit qui dominus comparens provida meditatione considerans huius mundi vicissitudines omnino varias et instabiles fore et quam semper immutat humana fragilitas quodque dies nostri brevissimi sint et sicuti umbra pretereant Idcirco cupiens (dum adhuc ratio mentem regit) votum in desiderium ac bonam intentionem fundationis ac dotationis infrascripte (quam a multo tempore in animam duxit) ad effectum deducere pia mente et animo plene deliberato ad divini nominis gloriam et anime sue salutem fecit constituit et ordinavit . . . fundationem quatuor bursariorum qui in universitate Aberdonensi regni Scotie pietati et bonis literis operam dabunt et pro parte dictorum bursariorum dotavit. . . in perpetuum et absque revocatione redditum seu censum annuum octuaginta septem florenorum et decem stuferorum brabanticorum quem ei exsolvere tenetur annue honesta domicella Margareta Janssens vidua quondam domini ac magistri Henrici Sterck a consiliis necnon rationum majestatis sue catholice in camera Bruxellis magister supra summam mille quadringentorum florenorum per eum receptam qui census annuus constitutus est super villa ac bonis prenominati quondam domini ac magistri Henrici Sterck vulgariter dicta villa de Casseler sita in parochiis de Berchen et Dilighem aliisque locis vicinis juxta hanc civitatem Bruxellensem ut latius constat per litteras constitutionis eiusdem redditus de data xxiii mensis Junii ultimo elapsi signatas per me notarium infrascriptum tanquam secretarium predicte civitatis Bruxellensis. Cupiens ac volens predictus dominus Guillielmus Meldrum fundator quod si contingat imposterum dictum annuum censum redimi ut sui executores ac curatores infrascripti summam capitalem eiusdem census recipiant eandemque statim in aliquo loco tuto ad similem censum seu commodiorem (si fieri possit) pro parte sustentationis predictorum quatuor bursariorum collocent et applicent idque toties exequantur quoties sepedictum annuum censum redimi contingat proviso quod annuus reditus eiusdem census a procuratoribus dicti domini fundatoris infrascriptis percipi debebit Insuper vult atque desiderat dictus dominus fundator pro gratitudine quam debet familie de Finia ex qua ortus est et nomini Meldrum quo vocatur ut quatuor bursarii prefati sint vel ex ipsa familia de Finia vel ex alia aut aliis illi proximioribus nisi reperiantur alii remotiores nominis Meldrum ipsis ad studia multo aptiores quos ipsis familie de Finia vel aliis quibuscunque cupit preferri et si nominis Meldrum non reperiantur intentio dicti domini fundatoris est ut admittantur alii pauperes ad studia aptissimi: habet

enim precipue pre oculis ut omnia ad maiorem Dei gloriam et sancte ecclesie utilitatem fiant. Quantum vero attinet ad nominationem et admissionem horum quatuor bursariorum vult . . . eam seu eas ad decanum et capitulum ecclesie cathedralis predicte pertinere aut ad aliquem virum probum eiusdem capituli qui per idem capitulum judicabitur ex charitate idoneus rogans obnixe quatenus hoc onus amore Dei suscipere dignentur ; Et ut dictorum bursariorum aliquis curam gerat constituit rectorem collegii Aberdonensis (eo quod soleat alumnos et convictores alere) procuratorem perpetuum aut ab eo eligendum et substituendum ad hunc censum annuum exigendum cui etiam committit curam dictos bursarios quantum ad victum amictum habitationem et studia pertinet gubernandi nutriendi et in omnibus dirigendi ut in domino judicaverit expedire: Et quia intentio dicti domini fundatoris est adiuvare ecclesiam Dei horum bursariorum opera si domino cooperante contingat illos aut eorum quenquam ad statum ecclesiasticum vocari utque hoc ipsum commodius prestare valeant vult et expostulat dictus dominus fundator eos exerceri in addiscendo cantu presertim ecclesiastico quantum necesse fuerit antequam ad studia grammatices seu aliam scientiam pergant aut admittantur vel certo tempore cuiuslibet diei dum litteris operam navant quoadusquam sufficienter canere valeant et singulis diebus dominicis ac festivis quibus in collegio a lectionibus ob festivitatem diei vacatur dictos bursarios teneri ad cantandum in choro dicte ecclesie cathedralis Aberdonensis secundum directionem capituli nisi in collegio ubi studiis vacant divinum officium caneretur quo casu vult ut duo eorum adsint divino officio in ecclesia cathedrali predicta et alii duo in ecclesia collegii neminem cupit admitti quin duodecimum annum attigerit aut qui vigesimum quartum annum excesserit et qui non fuerit bone spei atque expectationis ad serviendum ecclesie Dei in aliquo munere externo et ut detur aliis locus studendi neminem in studiis retineri ultra quinquennium nisi judicio rectoris aut sui regentis annus alter aut dimidius ad graviora studia perficienda videretur necessarius: Insuper non vult dictus dominus fundator aliquem admitti ad dictas bursas qui habeat notabilem defectum corporis veluti si sit claudus balbus semicecus aut inops mentis et judicii aut qui nesciat legere et scribere vel ignoret prima fundamenta grammatices neque etiam filium primogenitum alicujus domini hereditatis perpetue sed alios qui in talem hereditatem non succedunt: Et ut dicti bursarii in officio contineantur vult eos subjacere discipline dicti collegii Aberdonensis ubi et

quamdiu litteris operam dant ut obedientie rectoris ac regentium in omnibus. que ad studia pietatem et bonos mores attinent a quibus poterunt et debebunt dimitti si tempus studii expiraverit et effluxerit aut si in moribus reperiantur incorrigibiles vel ad studia inepti seu tempus inutiliter terere: Quiquidem bursarii tenebuntur et erunt astricti singulis diebus loco et tempore vel a capitulo Aberdonensi seu rectore collegii prescribente recitare pro anima sui fundatoris semel psalmos miserere mei deus etc. et de profundis clamavi etc.; Declarans dictus dominus fundator etiam intentionem et voluntatem suam esse ut dicte fundationis redditus distribuatur inter predictos bursarios per equas portiones idemque gaudeant quamdiu actu studeant Aberdonie et non aliter: Quod si contingat eos per mensem integrum sine legittima causa abesse vult ut ipsi locum et jus suum perdant atque alii eorum loco sufficiantur: Declaravit ulterius suam voluntatem dispositionem et intentionem esse quod casu quo fides catholica apostolica et Romana in regno Scotie imposterum non restituatur et sic dicti bursarii in eadem fide ibidem educari et institui non possint in illum eventum et donec in dicto regno Scotie et presertim Aberdonie fides catholica apostolica et Romana restituatur redditus vel census annuus octuaginta septem florenorum et decem stuferorum supradictus colligatur et recipiatur ab iis qui curam habebunt seminarii Scotorum Duaci vel Louanij ubi contigerit erigi in Belgio; dans et concedens per presentes eiusdem seminarii rectori aut curam gerenti plenam et omnimodam potestatem dictum annuum censum percipiendi et exigendi et in usum quatuor bursariorum (a dicto domino fundatore quamdiu vixerit et post eius obitum ab eodem domino rectore dicti seminarii nominandorum) convertendi ea lege tamen ut si quis nominis Meldrum inveniatur ipse in dictis bursis admittatur et aliis preferatur si commode fieri poterit: Et ne dubitatio solutionis oriatur ob ignorantiam an in dicto regno Scotie catholica fides sit restituta necne vult ipse dominus fundator testimonium duorum Scotorum catholicorum in artibus magistrorum de hac re plenam fidem facere; ut autem pia intentio ac bona voluntas prenominati domini fundatoris firmius teneatur et ad effectum deduci possit vult et requirit hanc presentem suam voluntatem et ordinationem habere vim testamenti seu ultime voluntatis dispositionis codicilli donationis inter vivos vel causa mortis vel alias prout magis melius et efficacius valere poterit: Constituitque ordinavit et mandavit huius presentis fundationis dotationis ac ultime sue voluntatis dispositionis mandatarios et executores rectorem semi

narii Scotorum aut eos qui eiusdem seminarii curam habebunt Duaci vel Louanij ut supra et hoc quamdiu non fuerit restituta catholica fides in dicto regno Scotie et casu restitutionis eiusdem fidei principalem dicti collegii Aberdonensis eiusque successores; dans et concedens eis respective per presentes omnimodam plenam et liberam potestatem facultatem authoritatem et mandatum omnia et singula premissa exequendi et fieri et observari curandi et mandandi dictumque censum annuum authoritate propria recipiendi sublevandi exigendi in judicio et extra: Et si dicta domicella Margareta Janssens vel eius heredes eundem censum redimere velint summam prefatam mille quadringentorum florenorum ab ea vel eis recipiendi ac in aliquo loco tuto (ut dictum est) ad similem censum seu commodiorem si fieri possit pro parte sustentationis dictorum bursariorum collocandi prout ipsis tutius ac melius videbitur de receptis et levatis quietandi et si opus sit omnes et quascunque actiones et lites occasione premissorum movendas tam active quam passive coram quibuscunque judicibus ecclesiasticis et secularibus prosequendi atque alios procuratores seu mandatarios eorum loco cum eadem vel simili limitata potestate substituendi et surrogandi in eoque negotio omnia et singula exequendi et disponendi prout saluti anime dicti domini testatoris ac fundatoris videbitur expedire et sicuti velint coram Deo reddere rationem in die judicii ; eosdem executores et mandatarios obnixe rogans quatenus hoc onus amore Dei et intuitu pietatis suscipere velint; Revocans idem dominus fundator omnes alios testamentarios executores seu mandatarios per ipsum prius electos et nominatos per aliud instrumentum fundationis die septima mensis Octobris anni millesimi quingentesimi octuagesimi noni coram me notario et certis testibus recognitum similiter idipsum instrumentum volens hanc ordinationem suam et dispositionem solum habere vim et robur (ut dictum est) Super quibus omnibus et singulis prefatus dominus fundator requisivit a me notario infrascripto ut de premissis sibi et nominatis suis executoribus unum vel plura publicum seu publica instrumentum vel instrumenta conficerem; Acta fuerunt hec in civitate Bruxellensi domi mee solite residentie anno indictione die mense et pontificatu prescriptis presentibus ibidem venerabilibus dominis ac magistris Guillielmo Creyton Scoto et Joanne Brixio Flandrie sacerdotibus societatis Jesu necnon discretis viris magistro Adriano ab Asbroech J. V. licentiato cive Bruxellensi et Joanne Busquet testibus fidedignis ad premissa vocatis et specialiter rogatis qui unacum dicto domino fundatore

registrum mei notario signo manuali consueto roborarunt inferius sic scrip

tum est.

Et quia ego Franciscus Asbroech notarius etc. .

100. Extract act of the parliament holden at Edinburgh the tenth day of November 1597, ratifying the new foundation of the college, which shall be revised by the commissioners appointed for that purpose, viz. Mr. Johne Lindsay of Balcarres, secretary, Mr. James Elphingstoun of Barnetoun, senator of the college of justice, and David Cunynghame, bishop of Aberdeen .

101. Charter of feufarm by the principal and other members of the college in favor of John Chalmer, subprincipal of the said college, of all and whole the shadow half of the town and lands of Peterstoun, and the shadow half of the crofts of the same called Cuikis croft and South croft lying in the barony of Hoispyttall and parish of St. Machar for a feuduty of 50s. Scots. Which charter is dated at Aberdeen 19 May 1607.

102. Decreit at the instance of David Raitt, principal of the said college, given by Thomas Nicolsone commissar of Aberdeen, against the tenants of Belhelvy, for non payment of the annuity due by them to the college for the years from 1584 to 1608 both inclusive. Which decreit is dated 18 September 1609 .

103. Precept of clare constat (following upon No. 102) by the principal and members of the college on the saids lands of Peterstoun &c. in favor of Patrick Chalmer, as heir of the said John Chalmer subprincipal his brother german, deceased. Which precept is dated 2 August 1611.

MM