No. XII. p. 269.

GYRON LE COURTOIS.

Ung jour que le temps etoit bel et clair, comme il pouvoit etre en la fin d' Octobre, advint que le chemin que Gyron tenoit, l'amena tout droictement au pié d'un tertre. Ce tertre etoit tout blanc de la niege, car il faisoit hyver; mais la plaine etoit toute verte, comme si ce fut au mois de May. Au pié de cette montagne, en la plaine, tout droictement dessous ung arbre, sourdoit une fon taine moult belle et moult delectable; et dessous celluy arbre, etoit assis un Chevalier armé de haubert et de chasses chevaleresques; et ses autres armes etoient pres de luy, et son cheval etoit attaché a l'arbre. Devant le Chevalier seoit une Damoyselle tant belle, que c'etoit merveilles que sa beauté. Et si quelqu' un me demandoit qui etoit le Chevalier, Je dirois que c'etoit Danaynle-Roux, le fort Chevalier; comme aussi la Damoyselle qui etoit assise devant luy, n' etoit autre que la belle Damoyselle Bloye, qui avoit tant aimé Gyron.

No. XIII. p. 272.

PERCEFOREST.

Lors dresse l'espée pour luy coupper la tete et le prent par les cheveulx, et le voulut ferir: mais il luy fut advis qu' il tenoit la plus belle Damoiselle que oncques veit, par les cheveulx. Lors le regarde et veoit que c' estoit Ydorus sa femme la Royne. Adonc fut tout esbahy si va dire: ha Doulce amye este vous icy. Adonc luy fut advis qu' elle dist-Ouy vrayement doulx amy; ayez mercy de moi. Et le nayn qui estoit là crioit tousjours comme enragé-Gentil Roy occis le ou tu es mort. Ce ne valut pas maille; car le Roy s' assit et embrasse Darnant et le print a accoller comme sa femme, et dist: Belle seur, pardonnez moy mon meffaict car J' este deceu. Et Darnant tira ung couteau Galoys et fiert le Roy en la poictrine ung si grant coup qu'il luy fist passer a l'autre lez, mais Dieu le ayda que ce fust au dextre coste ung peu dessoubz l'espaule. Quant le roy sentit le coup il sault sus tout effraié, et le nayn recommenca a dire: Roy occis le ou tu es mort. Quant le roy se sentit navré si cruellement il s' apperceut qu'il estoit enchanté. Lors leve l'espée et couppe au chevalier la teste, et le s'estend, et l'ame s'en va ou elle devoit aller. Et tantost commenca en la forest une noyse et une tourmente si grant de mauvais Esperitz que c'estoit hydeur a ouyr.

corps

No. XIV. p. 284.

ARTUS DE LA BRETAGNE.

Et quant Artus la vit, elle luy pleut plus que quant la vit premierement: si la print par la main et s'assirent a une part entre eux deux; et la Dame et Gouvernau furent d'autre part. Si fut la matinée belle et claire, et la rosée grande; si chantoient les Oysellets par la forest: si que les deux enfans s' en esjouissoient en grande liesse pour le doux temps, comme ceux qui estoient jeunes et、 a qu'il ne failloit que jouer et rire, et qui s' entre ay moient de bon cueur sans villenie et sans mal que l' un eust vers l'autre. Lors dist Artus tout en riant-Ma Damoiselle Jeannette avez vous point d' Amy? et elle en souzriant et en regardant Artus doucement luy respondit: Par la foy que Je vous doit ouy, bel et gracieux. Et d'ou est il Jeannette? Sire il est d'un pays dont il est-et comme est il appellé dist Artus: la fille dist, vous vous souffrirez; mais pourtant veux bien que maintenant scachez que le Roy Artus fut un bon chevalier et preux et de grand vertu; et vous dis que mon amy est aussi bon, si meilleur n' est, et si resemble a vous mieux qu' a personne qui vive, d'aller, et de venir, de corps, et de toutes les choses que nul peut ressembler a l'autre.colo

No. XV. p. 363..

GALYEN RHETORÉ.

Sitot que Galyen eut advisé le Pere qui' l' engendra, il descendit de dessuson Cheval et l' ala embrasser ; det moult courtoisement l'osta hors de l' estour, et le porta decoste le rocher, et le posa a terre sur le bel herbe vert; puis se coucha decost lui, et moult piteusement le regreta en disant→→→" Helas pere Je voy qu'il vous convient mourir ; mal venistes oncques par deca. Jaqueline ma mere qui m' a long temps nourry en Constantinople ne vous verra jamais.”: Et Olivier lui respont "Tu dits vrai, mon tres doulx fils, mais ung jour qui passa lui avoie fait promesse de retourner et de l' epouser; mais nous venismes deca qui men a garde; ne oncques puis ne retournay en France, dont mon cueur est dolent Je la commande a Dieu qui le Monde forma: Lé Duc Regnier mon pere, et ma dame de mere, qui en ses flans me porta, ne ma seur Bellaude jamais ne me verra: Helas Doulx Jesus! quelle douleur: aura le Roy Charlemaigne de ceste mort quand ils le saura-helas pourquoy ne venez vous cy Charlemaigne! Et vous mon chier enfant, qui souvent me baisez, Dieu vous veuille tousjours avoir en sa saincte protection et garde. Adieu mon tres gracieulx et doulx enfant, qui en vostre giron et sur vos genoulx me tenez -Adieu Jaqueline ma tres doulce Amye; pardonnez

moi gentil Damoyselle car Je ne vous ay pas tenu promesse: ce a eté par les faulx desloyaulx paiens que Dieu maulḍie-Adieu yous dy plaisante Seur Bellaude, car moult grant douleur aurez de ma mort quant vous le scaurez: de vos beaulx yeux vers et rians arrouserez souvent votre doulce face. Tres doulce seur plus ne me baiserez, puis qu' a la mort Je dois le corps rendre." Le vaillant Conte Olivier estoit couché sur la terre nue ou la mort angoisseussement le tourmentoit, et son fils Galyen lui faisoit ombre pour la chaleur de Soleil, qui merveilleusement estoit chault, qui raioit sur sa face; et Rolant estoit au prcs qui moult regretoit sa mort et piteusement plouroit a grosses larmes. Adonc Olivier se commanda à Dieu, et la veue lui alla troubler, et lui partit l'ame du corps. A l'heure, eust eu le cueur bien dur qui n'eust plouré de pitié, du dueil qui demenoit Galyen et Rolant.

No. XVI. p. 381.

OGIER LE DANOIS.

Adonc Morgue la Fae le mena par la main au Chasteau d'Avallon, là ou estoit le Roy Artus son frere, et Auberon, et Mallabron ung Luyton de Mer. Or quant Morgue approcha du dit Chasteau les Faes vindrent au devant d' Ogier, chantant le plus melodieusement qu'on sçauroit jamais ouyr: si entra dedans la salle pour soy deduire totallement. Adonc vist plusieurs dames Faes