How foolish, or worse, till our summit is gain'd! And downward, how weaken'd, how darken'd, how pain'd!

This life's not worth having with all it can give, For something beyond it poor man sure must live.

I Reign in Jeanie's Bosom

TUNE-"My Mother's aye glowring o'er me.”

LOUIS, what reck 1 by

Or Geordie on his ocean?
Dyvour, beggar loons to me,
I reign in Jeanie's bosom.

Let her crown my love her law,
And in her breast enthrone me:
Kings and nations, swith awa!
Reif randies, I disown ye!

It is na, Jean, thy Bonnie Face

TUNE-"The Maid's Complaint."

T is na, Jean, thy bonnie face,

IT

Nor shape that I admire,

Although thy beauty and thy grace
Might weel awake desire.
Something, in ilka part o' thee,

To praise, to love, I find;
But dear as is thy form to me,
Still dearer is thy mind.

Nae mair ungen'rous wish I hae,
Nor stronger in my breast,
Than if I canna mak thee sae,
At least to see thee blest.

Auld Lang Syne

Content am I, if Heaven shall give
But happiness to thee:

And as wi' thee I'd wish to live,
For thee I'd bear to die.

Auld Lang Syne

HOULD auld acquaintance be forgot,

SH

And never brought to min'?

Should auld acquaintance be forgot,

And auld lang syne?

CHORUS.

For auld lang syne, my dear,

For auld lang syne,

We'll tak a cup o' kindness yet,
For auld lang syne.

We twa hae run about the braes,
And pu'd the gowans fine;
But we've wander'd monie a weary fit
Sin' auld lang syne.

For auld, etc.

We twa hae paidl't i' the burn,
From mornin' sun till dine;

But seas between us braid hae roar'd

Sin' auld lang syne.

For auld, etc.

And here's a hand, my trusty fiere,
And gie's a haud o' thine;

And we'll tak a right guid-willie waught,

For auld lang syne.

For auld, etc.

And surely ye'll be your pint-stowp,
And surely I'll be mine;

And we'll tak a cup o' kindness yet
For auld lang syne.

For auld, etc.

Go

My Bonnie Mary

O fetch to me a pint o' wine,
An' fill it in a silver tassie;
That I may drink before I go,

A service to my bonnie lassie.
The boat rocks at the pier o' Leith;

Fu' loud the wind blaws frae the Ferry;
The ship rides by the Berwick Law,
And I maun leave my bonnie Mary.

The trumpets sound, the banners fly,
The glittering spears are ranked ready;
The shouts o' war are heard afar,

The battle closes thick and bloody;
But it's no the roar o' sea or shore
Wad mak me langer wish to tarry;
Nor shout o' war that's heard afar,—
It's leaving thee, my bonnie Mary.

Robin Shure in Hairst

IGAED up to Dunse,

To warp a wab o' plaiden;

At his daddie's yett,

Wha met me but Robin ?

She's Fair and Fause

CHORUS.

Robin shure in hairst,

I shure wi' him;

Fient a heuk had I,

Yet I stack by him.

Was na Robin bauld,

Tho' I was a cotter;

Play'd me sic a trick,

And me the eller's dochter?

Robin shure, etc.

Robin promis'd me

A' my winter vittle;

Fient haet he had but three

Guse feathers and a whittle.
Robin shure, etc.

She's Fair and Fause

HE'S fair and fause that causes my smart,

SHE

I lo'ed her meikle and lang:

She's broken her vow, she's broken my heart, And I may e'en gae hang.

A coof cam in wi' rowth o' gear,
And I hae tint my dearest dear;
But woman is but warld's gear,
Sae let the bonnie lass gang.

Whae'er ye be that woman love,
To this be never blind,

Nae ferlie 'tis tho' fickle she prove,
A woman has't by kind.

O Woman lovely, Woman fair!

An Angel form's faun to thy share; 'Twad been o'er meikle to gien thee mairI mean an Angel mind.

Bonnie Ann

YE gallants bright, I rede you right,

Beware o' bonnie Ann:

Her comely face sae fu' o' grace,

Your heart she will trepan.

Her een sae bright, like stars by night,
Her skin is like the swan;
Sae jimpy lac'd her genty waist,
That sweetly ye might span.

Youth, grace, and love, attendant move,
And pleasure leads the van;

In a' their charms, and conquering arms,
They wait on bonnie Ann.

The captive bands may chain the hands,
But love enslaves the man:

Ye gallants braw, I rede you a',
Beware o' bonnie Ann.

Ο

On a Bank of Flowers

Na bank of flowers, in a summer day,

For summer lightly drest,

The youthful blooming Nelly lay,

With love and sleep opprest;

When Willie, wand'ring thro' the wood,

Who for her favour oft had sued,

He gaz'd, he wish'd,

He fear'd, he blush'd,

And trembled where he stood.