GUDE WALLACE.

"O FOR my ain king,” quo gude Wallace, "The rightfu' king of fair Scotland! "Between me and my sovereign blude

"I think I see some ill seed sawn."

Wallace out over yon river he lap,

And he has lighted low down on yon plain; And he was aware of a gay ladie,

As she was at the well washing.

"What tydins, what tydins, fair lady," he says, "What tydins hast thou to tell unto me; "What tydins, what tydins, fair lady,” he says, "What tydins hae ye in the south countrie.”

"Low down in yon wee ostler house*, "There is fifteen Englishmen,

"And they are seekin for gude Wallace, "Its him to take, and him to hang."

There's nought in my purse," quo gude Wallace, "Theres nought, not even a bare pennie; "But I will down to yon wee ostler house, "Thir fyfteen Englishmen to see.”

And when he came to yon wee ostler house,
He bade benedicite be there;

"Where was ye born, auld crookit carl,
"Where was ye born, in what countrie."
"I am a true Scot born and bred,

"And an auld crookit carl, just sic as ye see."

"I wad gie fifteen shillings to onie crookit carl, "To onie crookit carl, just sic as ye,

"If ye will get me gude Wallace, "For he is the man I wad very

fain see."

*Wee ostler house, small inn.

He hit the proud captain alang the chaffts blade*, That never a bit o' meal he ate mair;

And he sticket the rest at the table where they sat, And he left them a' lyin sprawlin there.

"Get up, get up, gudewife," he says,
"And get to me some dinner in haste,
"For it will soon be three lang days
"Sin' I a bit o' meat did taste."

The dinner was na weel readie,
Nor was it on the table set,
Till other fifteen Englishmen

Were a' lighted about the yett.

"Come out, come out, now gude Wallace,
"This is the day that thou maun die;"
"I lippen na sae little to God," he says,
"Altho' I be but ill wordie ‡."

The gude wife had an auld gudeman,
By gude Wallace he stiffly stude,
Till ten o' the fyfteen Englishmen
Before the door lay in their blude,

* Chaffts blade, cheek bone.
† Lippen, trust.

Wordie, worthy.

The other five to the greenwood ran,
And he hang'd thae five upon a grain *;
And on the morn, wi' his merry men a',

He sat at dine in Lochmaben town.