subtiliter punctatus, canalicula sat profunda basi apiceque paullo abbreviata impressus. Scutellum aequale, confertim puncta-. tum. Elytra thorace parum longiora, crebre distinctius punctata, apice dilutiora. Abdomen segmentis anterioribus basi profundius, posterioribus apice parce subtiliter punctatis. Habitat in insula Ceylan.

8. Falagria pygmaea. Piceo-nigra, nitida, pube subtili subsericans, elytris thoraceque suborbiculato fuscobrunneis, hoc dorso canaliculato. Long. vix 11⁄2 lin.

Praecedente multo minor, pube subtili subsericans, omnium confertim subtiliter posterius distinctius punctata, piceo-nigra, thorace elytrisque fusco - brunneis, antennarum basi pedibusque rufo-testaceis. Antennae brunneae, apicem versus leviter incrassatae, articulis 4-10 transversis. Caput thoracis latitudine, suborbiculatum, confertim subtiliter punctatum, fronte leviter longitudinaliter impressa. Thorax coleopteris paulo angustior, basin versus angustatus, angulis rotundatis, dorso canalicula basi apiceque abbreviata minus profunde impressus. Scutellum confertim punctatum. Elytra thorace paulo longiora. Abdomen basi brunneum. Pedes testacei. Habitat in insula Ceylan.

2. Bolitochara Mannerh.

Brachelytr. p. 75. - Erichs. Gen. et Spec. p. 57.

9. Bolitochara testacea: Rufo-testacea, nitida, capitis basi elytrorumque apice fuscescentibus, his thoraceque foveolato confertissime subtilissimeque punctatis, abdomine fere laevigato. Long. 11⁄2 lin.

Statura fere B. variae Er. sed paulo minor, subtilissime pubescens, colore et punctatura supra descripta. Antennae fuscae, basi testaceae, articulis 5-10 sensim paulo latioribus, penultimis fortiter transversis, ultimo maiusculo. Caput thoracis latitudine, vix perspicue punctulatum, nitidum. Thorax coleopteris dimidio angustior, latitudine plus dimidio brevior, basin versus subangustatus, lateribus ante medium leviter rotundatis, supra scutellum transversim impressus. Elytra thorace sesqui fere longiora, subtilissime punctulata. Abdomen sublaevigatum, basi punctatum. Pedes testacei.

Mas abdominis segmento sexto supero medio carinula vix perspicua instructo.

Habitat in India orientali.

3. Eccoptogenia.

Maxillae mala interiore intus spinulis ciliata, pone medium spinula singula maiore munita.

Mentum apice profunde excisum.

Ligula brevis, apice bifida; paraglossae prominentes.
Palpi labiales biarticulati.

Tarsi antici 4-, postici 5- articulati, articulis 4 primis aequalibus.

Labrum membranaceum, semicirculare, parce pilosum. Mandibulae muticae, apice subuncinatae. Maxillae corneae, mala exteriore apice pubescente, mala interiore apice oblique truncata, spinulis 6-7 ciliata, pone medium spinula maiore munita. Palpi maxillares articulo tertio secundo paulo longiore et magis incrassato, quarto minuto, subulato. Labium mento leviter transverso, antrorsum angustato, lateribus subsinuato, apice profunde exciso, ligula brevi, apice bifida, paraglossis prominentibus. Palpi labiales biarticulati, articulo primo basi latiore, secundo hoc paulo breviore, basi parum angustiore, apice truncato.

Corpus minutum, lineare, alatum. Antennae validiusculae, articulo secundo primo paulo breviore, tertio secundo multo minore, subquadrato, 4-10 sensim vix latioribus, transversis, ultimo duobus praecedentibus coniunctim paulo breviore, acuminato.

Caput maiusculum, thoracis fere latitudine, exsertum, porrectum, rotundatum, basi constrictum, oculis parvis, parum prominulis. Thorax coleopteris fere latior et vix longior, latitudine paulo brevior, apice truncatus, basi parum lateribus leviter rotundatus, basin versus subangustatus, angulis posterioribus obtusis, anterioribus subrectis, deflexis, parum convexus, pone medium impressionibus duabus longitudinalibus obsoletis impressus. Scutellum minutum. Coleoptera subquadrata, apice truncata. Abdomen elongatum, parallelum, segmentis singulis dorsalibus basi transversim

subimpressis. Pedes breves, tarsis anticis 4-, posterioribus 5-articulatis, his articulis 4 primis longitudine inter se aequalibus, singulis latitudine fere brevioribus.

Mas elytris paulo brevioribus insignis videtur.

Genus, partibus oris respectis, facillime mento apice profunde exciso, labro semicirculari etc. cognoscendum, habitu tarsorumque structura Homalotis simile, paraglossis autem prominentibus Bolitacharae generi magis affine.

10. Eccoptogenia rufa: Rufa, nitidula, subtiliter pubescens, confertim distinctius punctata, capite elytrisque brunneis, antennis pedibusque testaceis, abdomine nitido, parce punctulato. Long. lin.

Habitat in insula Ceylan.

4. Hoplandria 1) Kraatz.

Linnaea Entomolog. XI. p. 4.

11. Hoplandria fuscipennis: Rufa, nitida, capite, thorace elytrisque fuscis, antennis validis pedibusque testaceis, thorace fortiter transverso, basi medio leviter marginato, abdomine attenuato, parce punctato. Long. 1 lin.

Corpus rufum, nitidulum, parum dense pubescens. Antennae crassiusculae, capite thoraceque paulo longiores, rufae, basi rufo- testaceae, articulo tertio secundo minore, quarto minuto, 5-10 sensim latioribus, penultimis fortiter transversis, ultimo praecedentibus duobus coniunctim longiore, acuminato. Caput deflexum, thorace angustius, vix punctulatum, nitidum, piceum, palpis piceis seu piceo testaceis. Thorax coleopteris paulo angustior, latitudine plus duplo brevior, lateribus leviter, basi fortius cum angulis posterioribus rotundatus, anterioribus deflexis, obtusis, leviter convexus, disco interdum longitudinaliter subdepresso, fuscus, interdum rufus, parce subtiliter punctatus et pubescens, basi leviter marginalus. Elytra thorace paulo longiora, nitidula, subtili

1) Genus ligula lineari, valde elongata, summo apice bifida, maxillarum mala interiore supra medium spinis duabus longioribus plerumque instructa insigne; habitus pedumque structura fere Homalotarum fusiformium.

ter parum crebre punctata, fusca, humeris plerumque fuscotestaceis. Abdomen rufum, leviter attenuatum, parce punctatum, segmento quinto apice pliculis minutissimis exasperato, sexto laevigato. Pedes testacei.

Mas abdominis segmento sexto superiore ante apicem pliculis 2-4 minutissimis parum elevatis notato insignis. Habitat in insula Ceylan.

5. Stenusa Kraatz. Insect. Deutschl. II. p. 47.

12. Stenusa ceylanica Kraatz (Linnaea Entomol. XI. p. 8).

Habitat in insula Ceylan sub fructibus putrescentibus.

6. Coenonica Kraatz. Linnaea Entomol. XI. p. 45.

13. Coenonica puncticollis Kraatz (Linnaea Entomol. XI. p. 46).

Habitat in insula Ceylan et in India orientali in nidis

termitum.

7. Linoglossa.

Maxillae elongatae, angustae, mala interiore cornea, intus apice subserrata.

Ligula valde elongata, angusta, integra; paraglossae prominentes.

Mentum apice leviter emarginatum.

Palpi labiales biarticulati, valde elongati, articulo secundo primo breviore.

Tarsi antici 4-, postici 5- articulati, omnes articulis primis aequalibus.

Labrum, mandibulae et maxillae fere ut in generibus Silusa et Stenusa constructa. Palpi maxillares elongati, articulo tertio secundo paulo longiore et latiore, quarto minuto, subulato, praecedente plus triplo breviore. Labium mento leviter emarginato; paraglossae longe prominentes; ligula valde elongata, ultra palporum labialium articuli primi apicem pro

ducta, linearis, integra, medio haud dilatata, summo apice vix perspicue bifida. Palpi labiales biarticulati, similiter ut in generibus Silusa et Stenusae constructi, articulo primo autem breviore, basi parum incurvato.

Corpus elongatum, lineare, supra leviter depressum, alatum. Antennae graciles, articulis secundo quartoque subaequalibus, tertio elongato, 5-10 sensim brevioribus, penultimis longitudine vix latioribus, ultimo oblongo-ovato. Caput exsertum, basi constrictum, leviter deflexum. Thorax latitudine haud multo brevior, lateribus ante medium rotundatus, pone medium leviter emarginatus, basin versus angustatus, angulis posterioribus obtusis. Scutellum triangulare. Elytra apice truncata, confertim subtiliter parceque irregulariter fortius punctata, ad angulum exteriorem vix excisa. Abdomen parallelum. Pedes graciles, tarsi antici 4-, posteriores 5-articulati, articulis 4 primis aequalibus.

Mas abdominis segmento septimo supero medio apice spina subtilissima armato.

De victu nihil mihi compertum.

Obs. Habitus peculiaris, Tachyusis nonnullis et Falagriis quodammodo similis. Partes cibariae similiter ut in genere Silusa constructae, sed ligula multo longior, palporum labialium articulus primus brevior, maxillarium ultimus minutus etc.

14. L. bifoveolata: Ferruginea, nitidula, thorace pone medium foveolis duabus oblongis profundis, basi carinula seiunctis, elytris confertim subtiliter parceque profundius punctatis. Long. 12 lin.

Linearis, subdepressa, ferruginea, nitidula, subtiliter pubescens. Antennae graciles, ferugineae, iam supra descriptae. Caput thoracis latitudine, retrorsum leviter angustatum, confertim subtiliter distincte punctatum, fronte media foveolata. Thorax coleopteris paulo angustior, ante medium rotundatus, pone medium leviter emarginatus, basin versus angustatus, angulis anterioribus subrectis, posterioribus obtusis, supra confertim subtiliter punctatus, pone medium foveolis duabus oblongis, profundis, basi carinula seiunctis impressus. Scutellum punctulatum. Elytra thorace tertia fere parte longiora, confertim subtiliter et praecipue lateribus parce