rum ecclesiarum fuerint per nos predictis de Collegio aliter in particulares et speciales prebendas nominatim divisi et assignati Interea precipimus sub anathematis pena quod summa quinquaginta marcarum reparationi edificiorum et vestimentorum in ecclesia dicti collegii deputata ponatur in loco securo clauso in cista infra dictum collegium per procuratorem ejusdem sub tribus clavibus quarum una erit in custodia decani facultatis artium dummodo non sit de gremio dicti collegii alioquin in custodia rectoris et si ambo in dicto collegio fuerint residentes in custodia officialis Aberdonensis poni debeat altera in custodia magistri principalis ejusdem tertia in custodia subprincipalis ejusdem et quod hujusmodi pecunia non deputetur ad alios quoscunque usus preterquam ad reparationem jam dictam Ad quod faciendum singulis annis si necesse fuerit dicto principali secundum quod Deo respondere voluerit committimus Quicunque, autem cujuscunque existat conditionis hujusmodi pecuniam ad alios usus applicaverit vel qualitercunque in totum vel in parte eandem usurpaverit vel alienaverit ex nunc prout ex tunc et e contra ipso facto sententia excommunicationis majoris sententie late se noverit innodatum quod ex nunc tenore presentium declaramus absolutionem hujusmodi sedi apostolice tantummodo reservando Insuper pro dictarum personarum antedictarum numero finali complemento in dicto collegio pro divini cultus in eodem majori augmentatione volumus et ordinamus quod sint in dicto collegio octo prebendarii in sacerdotio constituti in cantu Gregoriano rebus factis videlicet priksingin figuratione faburdon cum mensuris et discantu periti et instructi si commode haberi possunt alioquin in cantu Gregoriano rebus factis faburdon et figuratione ad minus bene instructi qui similiter etiam in aliqua predictarum facultatum studere debeant In quo etiam erunt quatuor juvenes seu pueri pauperes abiles tantum in cantu Gregoriano ad minus instructi Quorum omnium octo prebendariorum et quatuor juvenum officium erit dominicis et aliis festivis diebus quibus a laboribus hominum servilibus abstinetur matutinis vesperis et ceteris horis canonicis tam majoribus quam minoribus atque missis in cantu celebrandis in superpelliceis et capuciis nigris foderatis suis sumptibus propriis secundum statuta ipsius collegii jam condita et condenda cum celebrentur et temporibus debitis cappis nigris de panno laneo vel de ly sarge una cum predictis magistris doctoribus et studentibus interesse volumus Qui similiter in habitibus honestis prout decet videlicet sex primi prebendarii perpetui cum superpelliceis et almusio una cum cantore et sacrista infrascriptis et predicti quinque magistri in theologia studentes in superpel liceis et nigris capuciis foderatis et temporibus debitis cappis nigris ut supra induti nec non studentes in artibus cum superpelliceis dictis dominicis et festivis matutinis vesperis et completorio una cum missa solempniter celebrata tantum interesse debent ut non solum scientie fructus sed etiam cultus Dei divinis augeatur et ibidem pro serenissimo domino nostro Jacobo Quarto Dei gratia Scotorum Rege suisque antecessoribus et successoribus regibus Scotie Nobisque et successoribus nostris aliisque suis fundatoribus secundum gratiam eis desuper datam Deo et beate Virgini Marie ac omnibus sanctis preces intendant fundere devotas Et predicti omnes magistri presbyteri et prebendarii cum dispositi fuerint ter in hebdomada dominicis presertim et aliis festivis diebus ad missas celebrandas se disponant et celebrent In aliis autem diebus ut liberius dicti prebendarii studio literario et exercitio ejusdem incumbere et intendere valeant matutinis missa et vesperis tantum interesse volumus Inter quos octo prebendarios primus erit cantor cujus officium erit in elevatione et depressione circa cantum cantores regere et chorum gubernare ac ministros altaris in tabula ordinare scolas per se tenere et in eisdem hujusmodi quatuor pueros et alios bursarios in cantu instruere et docere ac singulos in choro et scolis transgressores et errores circa cantum et ceremonias punire corrigere et reformare Secundus Sacrista apellari debet cujus officium erit campanas pulsare quotidie hora quinta mane ad matutinas ad quas trina vice pulsare tenetur primus pulsus ad quartam partem hore durans secundus ad illius quarte dimidietatem tertius sicut primus cum tactu sexte hore terminans Qua hora designata statim cum pulsu conveniant dicti prebendarii et juvenes ac omnes persone suprascripte diebus illis et festis quibus astringuntur et matutinas in nomine domini incipiant et perficiant Quibus peractis statim pulsu campane missam in honore et commemoratione beate Marie virginis diebus congruentibus per dictum cantorem et quatuor juvenes cantari volumus et per unum de sex minoribus prebendariis exequi et celebrari Hora nona ante meridiem ad missam in cantu ter similiter ut ad matutinas pulsari debeat sic quod in decima hora hujusmodi missa finiatur Hora autem secunda post merediem ter similiter pro vesperarum celebratione pulsabitur sic quod ante quartam finiantur Insuper dictus sacrista vestire habet altaria candelas cereas illuminare et lampades libros cappas calices et cetera vestimenta et ornamenta pro quotidiano servitio deputata custodire et servare et aliis in choro ministrare ac hujusmodi vestimenta et ornamenta statim post missas plicare mundare et suo ordine in vestibulo reponere et collocare In quo omnes celebrantes debent se vestire et sua necessaria pro divinorum celebratione cum eisdem ad altaria de vestibulo deferre et eadem omnia e converso ibidem deferant Insuper dictus sacrista ecclesiam mundabit et chorum horologium regat et omnia alia et singula faciat gerat et exerceat que ad decorem domus Dei incumbere spectare dinoscuntur Et antequam dictus sacrista recipiatur vel admittatur cautionem sufficientem inveniat fidejussoriam de fideli administratione ejusdem in dicto suo officio et quod alienata per eundem et ablata qualitercunque restituat Necnon vasa aquarum benedictarum ad ostia ecclesie et in choro implere et eisdem aspersoria inveniet ut decet et honesta Reliquie autem et cetera vasa argentea quecunque que ad quotidianum usum dicti Collegii non deputantur in firma custodia trium clavium magistri principalis videlicet sub-principalis et cantoris poni debeant que in diebus solempnibus sacriste porrigere habeant qui similiter post missas in eodem loco et custodia quo prius fuerant reponere habeat Pro quorum octo prebendariorum et quatuor juvenum salariis et sustentationibus damus et assignamus predicto cantori viginti marcas dicto sacriste viginti marcas reliquis autem sex prebendariis cuilibet eorundem sexdecem marcas cuilibet autem dictorum quatuor juvenum quinque marcas solvendas predictis omnibus et singulis per procuratorem communem dicti Collegii de fructibus et redditibus dictarum ecclesiarum Quorum octo prebendariorum provisiones et impositiones ad prefatum cancellarium spectare volumus qui unum de predictis in ludo organorum peritum instituere teneatur Presentationes vero dictorum quatuor juvenum ad principalem et sub principalem regentem cantorem et sacristam pertinere precipimus qui presentatores quatuor pauperes melioris ut supra inclinationis eligere debeant et dicto cancellario presentent qui eosdem recipere habet et admittet Vicarie insuper pensionarie perpetue dictarum ecclesiarum cum vacare contigerint ad plenariam dispositionem dicti cancellarii spectari volumus Preterea ordinamus fieri per dictos capellanos prebendarios et juvenes aliosque doctores magistros et studentes fieri unum anniversarium in habitibus et cappis nigris ut decet singulis annis in perpetuum pro supremo domino nostro Jacobo Quarto Scotorum Rege antedicto ejusque antecessoribus et successoribus regibus Scotie in crastino Sancti Andree apostoli cum campanarum pulsu solempni cum vigiliis et missa in crastino celebrari precipimus et celebrari volumus donec et quousque dictum regem ab humanis decedere contingat quo decedente illo die in futurum et pro perpetuo dictum anniversarium celebrari fecimus Ac insuper etiam pro nobis quolibet anno et successoribus nostris aliud anniversarium per predictos cum simili apparatu et pompa in crastino assumptionis beate Marie virginis celebrari precipimus et ordinamus donec et quousque ab humanis nos similiter decedere contingat quo facto illo die quo viam universe carnis ingressi fuerimus perpetuum servare in visceribus Jesu Christi exhortamur Pro oleo autem comparando pro lampade continuo die ac nocte coram venerabili sacramento et summo altari ardenti et pendente nec non pane et vino cera et candelis pro missa et aliis circa hujusmodi conficiendis singulis annis in dicta ecclesia per totum annum exponendis videlicet duodecem tedis ponderis cujuslibet duarum librarum cere absque licio et baculo triginta duobus cereis ponderis cujuslibet dimidia libra cere absque licio et candelis in choro necessariis decem marcas una cum cera debita in villa Aberdonense de annuis redditibus hospitalis antedicti Oblationes vero que a Christi fidelibus dicto collegio offeruntur per dictum sacristam recipiantur et dicti collegii luminaribus applicentur Demum et pro finali complemento jam dicte nostre erectionis precipimus et obnixe exhortando rogamus quolibet die hora sexta post meridiem post vesperas ante cenam salve regina cum antiphona et collecta necnon angelus ad virginem cum antiphona sub tuam protectionem et collecta gratiam tuam etc. alternatis vicibus cum duodecim magne campane per intervalla pulsibus ad quartam partem hore circa sextam solempniter cum organis et cantu per dictos omnes et singulos magistros doctores regentes prebendarios juvenes et studentes cantari precipimus et devote Insuper omnium et singulorum articulorum prescriptorum interpretationem additionem diminutionem et declarationem toties quoties opus nobis visum fuerit pro toto tempore vite nostre specialiter nobis reservamus Ceterum cum sacris canonibus cautum existat quod nobis licere non patimur nostris successoribus indicamus perpendentesque facta et ordinationes nostrorum predecessorum laudabilia et signanter pia ad honorem Dei et ob animarum salutem ad ea observanda defendenda ac manutenenda nos obnoxios esse et ex debito honestatis astrictos successores nostros pro quibus dictum collegium similiter sicut pro nobis fundavimus in visceribus Jesu Christi salvatoris nostri beateque virginis Marie matris ejusdem caritative exhortando requirimus ut sint pii pastores et defensores speciales conservatores sepedicti collegii personarum beneficiorum ac bonorum ejusdem ne ipsum collegium et hujus gregem lupi rapaces invadant Pro quibus faciendis ab eodem salvatore nostro ejusdemque genitrice Maria in Christo immercessibile munus et gloriam cum eisdem in celestibus obtinere mereantur sempiternam. In quorum omnium et singulorum fidem et testimonium premissorum presentes literas dicti collegii nostre fundationis et erectionis exinde fieri fecimus et per notarium publicum subscriptum subscribi et publicari mandavimus nostrique sigilli autentici et sigilli communis capituli nostri ecclesie cathedralis antedicte jussimus et fecimus appensione communiri. Data et acta fuerunt hec in domo capitulari antedicte nostre ecclesie cathedralis hora nona vel circa ante meridiem sub anno Incarnationis Dominice millesimo quingentesimo quinto mensis vero Septembris die decimo septimo indictione octava pontificatus sanctissimi in Christo patris et Domini nostri domini Julii divina providentia Pape secundi anno secundo presentibus ibidem venerabilibus viris dicte nostre ecclesie cathedralis canonicis capitulum pro tempore representantibus honorabilibusque discretis viris domino Valtero Ogilvy de Boyn milite Andrea Elphinstoun de Selmis et Magistro Vilhelmo Rolland vicario de Inch testibus ad premissa vocatis pariter et rogatis . Et ego Alexander Gallouay etc. Apostolica Confirmatio. 47. Julius Episcopus servus servorum Dei ad perpetuam rei memoriam Querentes in agro scholastice discipline scientie margaritam non immerito apostolico favore prosequimur et his que in literarum studiis commodius insistere valeant proinde ordinata fore conspicimus ut firmius illibata permaneant libenter nostri adjicimus roboris firmitatem Sane pro parte venerabilis fratris nostri Vilhelmi episcopi Aberdonensis nobis exhibita petitio continebat quod alias ipse pro divini cultus augmento et animarum salute ac literis operam dare volentium commodum et utilitatem in civitate Aberdonensi seu villa veteri in qua viget studium universale unum Collegium scholarium studentium et magistrorum sub vocabulo sancte Marie in nativitate de consensu dilectorum filiorum capituli ecclesie Aberdonensis ordinaria authoritate erexit fundavit atque instituit ac voluit et ordinavit quod ibidem essent triginta sex persone quarum unus doctor in theologia alius vero in jure canonico alius autem in jure civili reliquus vero in medicina doctores et |