dour Johanne Edmistoun prebendario de Phillortht Alexandro Symsoun prebendario de Monimusk Thoma Strathachin prebendario de Tullinessill domino Thoma Pyot prebendario de Crowdan et Magistro Thoma Kyntor prebendario de Deir . . .

17. In Dei nomine Amen Per hoc presens publicum instrumentum cunctis pateat evidenter quod anno Incarnationis Dominice millesimo quadringentesimo nonagesimo nono mensis vero Junii die prima . . . venerabilis vir Magister Jacobus Broune decanus Aberdonensis considerans laudabile magnificum et meritorium opus alme Universitatis Aberdonensis noviter fundate labores et graves sumptus per reverendum in Christo patrem Willelmum . . . Episcopum Aberdonensem desuper factos et ingenti perseverantia toto suo conatu pro completione eiusdem manus adiutrices porrigere volens Idem decanus in supplementum tanti operis ac divini cultus benivole supplere cum consensu et assensu dicti reverendi patris et venerabilium ac egregiorum virorum dominorum canonicorum capituli Aberdonensis propter hoc capitulariter congregatorum matura deliberatione prehabita ad erectionem vicarie perpetue eidem universitati per Magistrum Willelmum Strathachtin vicarium perpetuum noviter erectum et successores suos vicarios eiusdem imperpetuum et ibidem actu studentes deservitur' illas decimas garbales sui decanatus de Setone et ville noviter edificate Aberdonensis vocate de edificiis constructis et construendis in eadem specificatis et nominatis prout nominantur et modificantur in collatione sibi vicario facta per dictum reverendum patrem cum omnibus aliis decimis dicte nove ville que de jure vicario pertinere in talibus debeant dictus decanus suum expressum consensum dedit ac eidem pio operi consentiit adhibendas attento quod non cedit dicto decano in magnum preiudicium ac ad maiorem rei evidentiam et securitatem premissorum prefatus reverendus pater et dicti domini de capitulo in signum unanimis consensus eorundum sigillum eiusdem reverendi patris cum sigillo communi capituli Aberdonensis presenti Instrumento sunt appensa unacum subscriptionibus canonicorum subscriptorum capitulum representantium Acta erant hec in domo capitulari Aberdonensi sub anno mense die et indictione et pontificatu quibus supra

presentibus ibidem domino Willelmo Rolland Roberto Wemis et Johanne Kinkell cum multis aliis testibus ad premissa vocatis pariter et rogatis.

Et ego Matheus Pacok etc.

Et ego Thomas Myrton etc.

Carta confirmationis de annuo reditu Roberti Blinseile .

18. Jacobus Dei gratia Rex Scottorum omnibus probis hominibus totius terre sue clericis et laicis salutem sciatis nos quandam cartam donationis . . . factam per dilectum nostrum Robertum Blinseile burgensem burgi nostri de Abirdene in honorem Dei omnipotentis beatissime virginis Marie de nativitate eiusdem et omnium civium supernorum . . . de mandato nostro ... diligenter examinatam . . . ad plenum intellexisse sub hac forma Omnibus hanc cartam visuris vel audituris Robertus Blinseile burgensis burgi de Abirdene . . . Salutem. Cum omnes stabimus ante tribunal domini nostri Jhesu Christi sive bonum sive malum fuerit recepturi prout in presenti seculo meruimus Igitur diem extremi judicii operibus misericordie expediens est prevenire ut seminata in terris multiplici fructu colligamus in celis Unde noveritis me in honorem Dei omnipotentis beatissime virginis Marie de nativitate eiusdem et omnium civium supernorum pro salute anime mee anime Elizabeth Wode sponse mee carissime animarum quondam Duncani Blinseile et Niniani Blinseile filiorum meorum animarum parentum meorum benefactorum et omnium fidelium defunctorum dedisse doctoribus magistris regentibus prebendariis studentibus ac pueris chori ecclesie collegii universitatis Abirdonensis totum et integrum illum annuum redditum meum viginti trium solidorum usualis monete Scotie levandum de tota et integra terra tam anteriore quam interiore quondam David Hill cum suis pertinentiis jacente infra dictum burgum in vico castri ex boreali parte eiusdem vici inter terram Johannis Murray ex orientali ex una et terram recuperatam per Magistrum Andream Cadiow ex occidentali partibus ab altera et communem viam regiam versus austrum et terram quondam Johannis Howisone versus boream Tenendum . . . in puram et perpetuam elimosinam imperpetuum . . . celebrantes inde annuatim dicti doctores magistri regentes prebendarii studentes ac pueri chori et sui successores

ww

ad magnum altare dicte ecclesie pro salute anime mee et anime dicte Elizabeth sponse mee animarum parentum benefactorum meorum ac omnium fidelium defunctorum unum anniversarium videlicet exequias defunctorum cum placebo et dirige in Sabato post pascha ac cantantes missam de nota in dominica inde sequenti cum residuo trigintalis per ebdomitam sequentem Insuper . . . clericorum preconem per totum burgum Abirdonensem transire causabit premunien' audien' adorand' pro dictis animabus tabulam super monimentum situabit pallio decente cooperiet ac luminaria inveniet ut moris est Necnon celebrantes annuatim alium anniversarium pari forma pro salute animarum dictorum Duncani et Niniani parentum suorum benefactorum ac omnium fidelium defunctorum videlicet exequias defunctorum in proximo sabbato post festum Sancti Martini ac missam de nota in dominica inde sequenti cum Residuo trigintalis per ebdomitam sequentem ac collector preconem tabulam super monimentum ac luminaria ad dictum anniversarium preparabit et inveniet in omnibus ut in priore anniversario Insuper collector eorundem preconem in Universitate Abirdonensi in sabbatis ante meridiem et in dominicis premunire aures audientium annuatim in dictis anniversariis accedere causabit et sacristam omnes maiores Campanas dicte Ecclesie ad spatium dimedii hore ad dictas exequias et missas de nota singulis annis pulsare faciet tantum pro omni alio servitio . . . In cuius Rei testimonium huic presenti carte mee sigillum meum et sigillum providi viri Davidis Mar unius ballivorum dicti burgi . . . sunt appensa apud Abirdene vicesimo die mensis Augusti anno Domini millesimo quingentesimo coram honorabilibus et famosis magistris Dauid Guthre rectore de Aberdour Thoma Prat magistro Hectore Boyiss... Quamquidem cartam. . . in omnibus suis punctis et articulis. . . ratificamus . . . Salvis nobis et successoribus nostris dictorum doctorum magistrorum regentium prebendariorum studentium et puerorum dicti Collegii et Universitatis eorundem successorum orationum suffragiis devotarum tantum. In cuius Rei testimonium presenti carte nostre admortizationis et confirmationis Magnum Sigillum nostrum apponi precepimus. Testibus reverendo in Christo patre Willelmo Episcopo Abirdonensi nostri secreti sigilli custode dilectis consanguineis nostris Georgeo comite de Huntlie domino Badzenach cancellario nostro Archibaldo comite de Ergile domino Campbell et Lorne magistro hospitii nostri Patricio comite de Boithvile domino Halis Alexandro domino Hume magno Camerario nostro Andrea domino Gray justiciario nostro et dilectis clericis nostris magistris Ricardo Murehede decano Glasguensi secretario nostro et

Waltero Drummond decano Dunblanensi nostrorum Rotulorum et Registri ac concilii clerico Apud Edinburgh decimo die mensis Marcii Anno Domini millesimo quingentesimo et regni nostri decimo tertio.

Bulla Alexandri VI. Pape super Conservatione Privilegiorum Universitatis .

19. Alexander Episcopus Servus Servorum Dei Venerablili patri Episcopo Aberdonensi et dilectis filiis de Cambuschenneth ac de Scone Sanctiandree diocesis Monasteriorum Abbatibus salutem et apostolicam benedictionem Militanti ecclesie licet immeriti disponente Domino presidentes circa curam Studiorum generalium ac personarum nobis devotarum omnium solertia reddimur indefessa soliciti ut juxta debitum pastoralis officii eorum occurramus dispendiis. et profectibus divina cooperante clementia salubriter intendamus Sane dilectorum filiorum Doctorum Magistrorum Graduatorum universorum scolarium studentium et suppositorum Universitatis Studii generalis civitatis veteris Aberdonensis conquestione percepimus quod nonnulli Archiepiscopi Episcopi aliique ecclesiarum prelati et clerici ac ecclesiastice persone tam religiose quam seculares necnon duces marchiones comites barones. nobiles milites et laici communia civitatum universitates castrorum oppidorum villarum et aliorum locorum et alie singulares persone civitatum et diocesium ac aliarum partium diversarum occuparunt et occupari fecerunt castra villas et alia loca terras domos possessiones jura et jurisdictiones necnon decimas fructus census redditus et proventus dicti Studii et nonnulla alia bona mobilia et immobilia spiritualia et temporalia ad doctores magistros graduatos studentes scolares ac suppositos eorumque familiares et servitores ac beneficia ecclesiastica aliis beneficiis per eos obtentis unita in aliena diocesi consistentia ac Universitatem predictam communiter vel divisim spectantia et ea detinent indebite occupata seu ea detinentibus prestant auxilium consilium vel favorem et etiam libertates exemptiones privilegia et indulta tam apostolica quam ordinaria auctoritatibus ejusdem doctoribus magistris graduatis studentibus scolaribus suppositis familiaribus servitoribus ac studio et Universitati concessa impedire presumunt Nonnulli etiam civitatum et diocesium ac partium predictarum qui nomen Domini in vanum recipere non formidant eisdem doctoribus magistris graduatis studentibus

scolaribus suppositis familiaribus servitoribus et Universitati super predictis castris villis et locis aliis terris domibus possessionibus juribus et jurisdictionibus fructibus censibus redditibus et proventibus eorundem decimis dictarum unitarum et uniendarum ecclesiarum in alienis diocesibus consistentibus eorundem et quibuscunque aliis bonis mobilibus et immobilibus spiritualibus et temporalibus et aliis rebus ad doctores magistros graduatos studentes scolares suppositos familiares servitores ac Universitatem hujusmodi spectantibus necnon libertatibus exemptionibus privilegiis et indultis predictis multiplices molestias et injurias inferunt et jacturas Quare prefati doctores magistri graduati studentes scolares et suppositi nobis humiliter supplicarunt ut cum eisdem ac familiaribus et servitoribus prefatis valde reddatur difficile pro singulis querelis ad sedem apostolicam habere recursum providere ipsis super hoc paterna diligentia curaremus Nos igitur adversus occupatores detentores presumptores molestatores et injuriatores hujusmodi illo volentes eisdem doctoribus magistris graduatis studentibus suppositis scolaribus familiaribus et servitoribus ac Universitati remedio subvenire per quod ipsorum compescatur temeritas et aliis aditus committendi similia precludatur discretioni vestre per apostolica scripta mandamus quatenus Vos vel duo aut unus vestrum per vos vel alium seu alios etiam si sint extra loca in quibus deputati estis conservatores et judices in quibuscunque diocesibus in dicto regno existentibus prefatis doctoribus magistris graduatis studentibus suppositis scolaribus familiaribus et servitoribus efficacis defensionis presidio assistentes non permittatis eosdem super hiis et quibuslibet aliis bonis et juribus decimis et debitis quibuscunque ad doctores magistros graduatos studentes suppositos scolares familiares et servitores ac Universitatem pro tempore existentes hujusmodi spectantibus necnon libertatibus exemptionibus privilegiis et indultis ab eisdem vel quibusvis aliis indebite molestari vel eis gravamina seu damna vel injurias irrogari facturi dictis doctoribus magistris graduatis studentibus suppositis scolaribus familiaribus et servitoribus cum ab eis vel procuratoribus suis aut eorumque aliquo fueritis requisiti de predictis et aliis personis quibuslibet super restitutione hujusmodi castrorum villarum terrarum et aliorum locorum jurisdictionum exemptionum immunitatum libertatum privilegiorum et indultorum jurium et bonorum mobilium et immobilium reddituum quoque et proventuum decimarum et debitorum ubique per dictum regnum existentium ac aliorum quorumcunque bonorum necnon de quibuslibet molestiis injuriis aut damnis pre