concedens prefatus dominus constituens prefatis suis procuratoribus et eorum cuilibet coniunctim et divisim suam veram puram et expressam potestatem ac mandatum speciale pro se et nomine suo corporalem possessionem hospitalis Sancti Germani et annexorum iuriumque et pertinentiarum earundem unitorum et annexorum alme universitati predicte iuxta tenorem litterarum apostolicarum desuper confectarum nomine prelibati reverendi patris et cancellarii libere apprehendendi capiendi et pro perpetuo retinendi instrumentum seu instrumenta desuper petendi recipiendi et levandi Et generaliter omnia alia et singula faciendi gerendi et exercendi que in premissis et circa ea necessaria fuerint seu etiam oportuna et que ipsemet dominus constituens faceret seu facere posset si premissis omnibus et singulis presens personaliter interesset promisit insuper idem dominus constituens michi notario publico subscripto stipulans et recipiens se ratum gratum et firmum pro perpetuo habiturum totum id et quicquid per dictos suos procuratores aut eorum aliquem actum factum aut procuratum fuerit sub ypotheca et obligatione omnium bonorum suorum presentium et futurorum Super quibus omnibus et singulis prefatus dominus constituens a me notario publico subscripto sibi fieri petiit hoc presens publicum instrumentum seu publica instrumenta Acta erant hec infra burgum de Edinburgh in loco residentie dicti reverendi patris hora quasi octava ante merediem sub anno die mense Indictione et pontificatu quibus supra presentibus ibidem Johanne Watsone Johanne Cragmile Willelmo Myrtone et Jacobo Muir Testibus ad premissa vocatis pariter et rogatis. Sequitur subscriptio notarii. Et ego Georgius Newtone etc. Sequitur tenor instrumenti apprehensionis possessionis In Dei nomine Amen Per hoc presens publicum instrumentum cunctis pateat evidenter quod anno Incarnationis Dominice millesimo quadringentesimo nonagesimo septimo mensis vero Augusti die decimo octavo indictione decima quinta pontificatus sanctissimi in Christo patris et domini nostri domini Alexandri divina providentia pape sexti anno quinto In mei notarii publici et testium subscriptorum presentia personaliter constitutus venerabilis et circumspectus vir dominus Alexander Symsone Canonicus Abirdonensis ac procurator et eo nomine reverendi in Christo patris et domini domini Willelmi Dei et apostolice sedis gratia Episcopi Aberdonensis ac Cancellarii alme Universitatis eiusdem de cuius procurationis mandato per instrumentum publicum signo et subscriptione domini Georgei Newtone notarii publici signatum et subscriptum luculenter constabat asseruit et protestatus est quod Sanctissimus dominus noster dominus Alexander divina providentia papa sextus ob certas rationabiles causas hospitale Sancti Germani cum annexis ac omnibus juribus et pertinentiis dicte Universitati auctoritate apostolica perpetuo pro sustentatione magistrorum Doctorum et Scolarium pro tempore in dicta Universitate continue legentium et studentium ac unius presbiteri et trium pauperum in hospitali predicto univit annexit et incorporavit ita quod cedente vel decedente domino Thoma Pyot magistro dicti hospitalis seu hospitale predictum quomodolibet dimittente liceret prefato reverendo patri ac Cancellario alme Universitatis predicte aut alias pro tempore Episcopo existenti per se alium seu alios corporalem hospitalis et annexorum juriumque et pertinentiarum predictorum possessionem propria auctoritate libere apprehendere et pro perpetuo retinere cuiusvis licentia super hoc minime requisita etc. prout in litteris apostolicis inibi perlectis plenius continetur acetiam quod dictus dominus Thomas alias in manibus dicti reverendi patris et Cancellarii predicti dictum suum hospitale cum annexis iuribus et pertinentiis cessit pureque et simpliciter dimisit et resignavit coram notario et testibus fidedignis prout in dictis instrumentis desuper confectis plenius continetur Idcirco prelibatus dominus Alexander procurator antedictus et eo nomine corporalem possessionem dicti hospitalis et annexorum juriumque et pertinentiarum predictorum in capella sive hospitali Sancti Germani antedicti per captionem in manibus suis altaris calicis et vestimentorum altaris nemine contradicente auctoritate et nomine quibus supra libere iuxta tenorem litterarum apostolicarum predictarum apprehendidit et cepit pro perpetuo Super quibus omnibus et singulis prefatus dominus Alexander procuratorio nomine quo supra a me notario publico subscripto sibi fieri petiit unum seu plura publicum seu publica instrumentum seu instrumenta Acta erant hec in ecclesia sive capella antedicta hora duodecima ante merediem vel eocirca sub anno die mense Indictione et pontificatu quibus supra presentibus ibidem venerabilibus et discretis viris Magistro Jaspero Cranstoune rectore de Fethiresso domino Thoma Myrtoun canonico moraviensi Thoma Huntar et Johanne Watsone cum diversis aliis testibus ad premissa vocatis pariter et rogatis. Sequitur tenor subscriptionis notarii. Et ego Georgius Newtone etc. Et demum ex super habundanti recepimus unum instrumentum de reali actuali et corporali possessione ecclesie de Abirluthnotht dicte Sancti Andree diocesis que est ecclesia dicto hospitali annexa cum universis et singulis fructibus et oblationibus eiusdem per venerabilem virum dominum David Guthre utriusque juris doctorem et in prefata Universitate legentem ac procuratorem nostrum ad hoc specialiter constitutum cuius instrumenti tenor sequitur in hec verba. In Dei nomine Amen Per hoc presens publicum instrumentum cunctis pateat evidenter quod anno incarnationis dominice millesimo quadringentesimo nonagesimo septimo mensis vero Septembris die tertia indictione decima quinta pontificatus Sanctissimi in Christo patris et domini nostri domini Alexandri divina providentia pape sexti anno sexto In mei notarii publici et testium subscriptorum presentia personaliter constitutus venerabilis et circumspectus vir dominus David Guthre utriusque juris doctor procurator et eo nomine reverendi in Christo patris et Domini domini Willelmi Dei et apostolice sedis gratia Episcopi Aberdonensis ac Cancellarii alme Universitatis eiusdem et . . . corporalem possessionem dicte ecclesie eidem hospitali annexe juriumque et pertinentiarum predictorum in ecclesia de Abirluthnotht antedicta per captionem in manibus suis maioris altaris calicis et vestimentorum altaris nemine contradicente auctoritate et nomine quibus supra iuxta tenorem litterarum apostolicarum predictarum apprehendidit et cepit pro perpetuo Super quibus omnibus et singulis prefatus dominus David procuratorio nomine quo supra a me notario publico subscripto sibi fieri petiit unum seu plura publicum seu publica instrumentum seu instrumenta Acta erant hec in ecclesia de Abirluthnotht antedicta hora decima ante merediem vel eocirca sub anno die mense indictione et pontificatu quibus supra presentibus ibidem honorabilibus et discretis viris Alexandro Barklaw de Matheris Willelmo Rait filio et apparente herede David Rait Johanne Barklaw Georgio Berklaw Duncano Pyot Willelmo Lyell Jacobo Maveris et David Strathauchin filio et apparente herede domini de Thornetoune cum ceteris parochianis et diversis aliis et magna multitudine ibidem ad divina audienda congregata Testibus ad premissa vocatis pariter et rogatis. Sequitur tenor subscriptionis notarii. Et ego Thomas Myrtone etc. Quibus sic rite et legitime factis fructus redditus et proventus dicti hospitalis et annexorum eiusdem auctoritate apostolica qua supra dividimus distribuimus et ordinamus modo et forma sequenti in primis uni magistro in theologia si commode haberi possit in sacerdotio constituto legenti et in eadem facultate regenti infra prefatam universitatem viginti libras sin autem uni licentiato sacerdoti legenti ut supra viginti quinque mercas aut eo deficiente uni bachalario etiam sacerdoti viginti mercas uni decretorum doctori si commode haberi potest in sacerdotio constituto legenti et in eadem facultate regenti infra eandem universitatem viginti libras alioquin uni licentiato sacerdoti legenti ut supra viginti quinque mercas aut eo deficiente uni bachalario etiam sacerdoti viginti mercas uni doctori in jure civili si commode haberi possit saltim clerico legenti in eadem facultate regenti et infra universitatem prescriptam ad instar tutelam aurilianensis universitatis tenenti viginti libras sin autem uni licentiato clerico legenti ut supra viginti quinque mercas vel eo deficiente uni bachalario clerico viginti mercas et uni magistro legenti et regenti in artibus sacerdoti viginti mercas et cuilibet juveni ex sex juvenibus clericis decem mercas continue studentibus in artibus usque ad complementum temporis magisterii suscipiendi ut in statutis facultatis artium continetur Et cuilibet sacerdoti ex sex sacerdotibus prebendariis quorum unus sacrista deputabitur studentibus in artibus vel in jure canonico aut theologia decem libras solvendas et deliberandas fideliter infra dictam universitatem prelibatis magistris doctoribus capellanis scolaribus annuatim videlicet in festo Penthecostes et Sancti Martini per equales portiones de fructibus redditibus et proventibus ecclesiarum de Abirluthnotht Sancti Andree diocesis. Glenmyk et Abirgerny Abirdonensis diocesis et de omnibus et singulis annuis redditibus ex parte boreali aque de Forth per unum deputatum de predictis magistris doctoribus aut capellanum per dictum cancellarium ordinandum donec et quousque divisio hec per dictum cancellarium specialius inter dictas personas ordinamus Insuper quod dicti sex sacerdotes prebendarii in ecclesia per nos ad hoc deputanda et Dei gratia in dicta universitate collegiata fundanda et edificanda matutinas vesperas missam de nostra domina et magnam missam in habitibus videlicet almuciis et superpelliciis temporibus ad hoc requisitis et cappis nigris aliis temporibus congruentibus in choro cotidie cum nota cantabunt et frequentabunt Et in dominicis et aliis festivis duplicibus in quibus ordinarie non legitur cantabunt primam et alias horas cum precioso et martilegio et quod omnes prefati doctores magistri et studentes unacum dictis prebendariis capellanis omnibus diebus dominicis et duplicibus festis tam majoribus quam minoribus in quibus ordinarie non legitur vesperis matutinis et magne misse in habitibus predictis intersint et interesse teneantur sub penas in statutis super hoc condendis Suademus etiam dictis doctoribus magistris et presbiteris ut se in choro eisdem diebus in cantu exerceant et ordinamus quod vesperas matutinas et magnas missas in principalioribus duplicibus per se ipsos ordinate et vicissim cantent et executores dicti officii eisdem diebus fiant Et dicti studentes lectiones ad matutinas et epistolas ad missam dictis diebus dominicis et festivis in turno legant et cantent Et ordinamus quod doctores sive ordinarie legentes in jure civili licentiati sive bachalarii eisdem diebus dominicis et festivis similiter in habitibus predictis intersint Omnibus predictis in prefatis suis facultatibus continue in prefata Universitate ad modum studiorum Universitatum Parisiensiis et aurilianensiis in jure civili legentibus et regentibus ordinamus quod non liceat eis aut eorum alicui habere alia beneficia qualiacumque in dicta civitate vel dicta ecclesia Abirdonensi ne occasio eis detur a dicta lectura vacare seu quoquomodo abstinere aut suam continuam residentiam et studium pretermittere aut interrumpere Volumus tamen quod extra ecclesiam et civitatem predictas in aliis civitatibus et locis quibuscunque beneficio et beneficiis ecclesiasticis cum dictis prebendis gaudere valeant Ordinamus insuper uni capellano cum stella etc. pro missa et divino servicio celebrandis in dicto hospitali cum dispositus fuerit in capella Sancti Germani omnes et singulas terras dicte capellanie contigue adiacentes pro sua et pauperum sustentatione necnon omnes et singulos annuos redditus et proventus eiusdem ex parte australi aque de forth cum omnibus et singulis obventionibus et oblationibus eiusdem capelle et per questores in patria congregandis cum potestate unum vel plures questorem seu questores imponendi et eligendi et illum vel illos distituendi et alium seu alios de novo ordinandi Et ipse capellanus sustinebit ex predictis terris annuis redditibus et oblationibus tres pauperes in dicto hospitali eosdemque pauperes et capellam reget et ipsam capellam ornatam in tecto muris et aliis ornamentis cum mansione et orto honeste sustentabit ut decet Reservando nobis et successoribus nostris Cancellariis dicte universitatis ad utilitatem studentium. . . que superioritatem omnium et singulorum libere tenentium dicti hospitalis et eorum servitium cum potestate eos investiendi et de novo infeodandi et eosdem distituendi totiens quotiens opus fuerit et juris ordo postulat et requirit et ipsum capellanum sive religiosum nunc et pro tempore futuro eligendi eundem in eodem hospitali imponendi ac ipsum ab eodem prout nobis et successoribus nostris visum fuerit expediens ex causis legitimis removendi et disponendi et alium in loco suo instituendi et imponendi ac compotum de intromissis petendi et audiendi et ipsum exonerandi Reservando nobis pro tempore nostro presentes nostras divisiones et statuta mutandi corrigendi et audiendi [potestatem] prout nobis totiens quotiens expediens visum fuerit In quorum omnium et singulorum fidem et testimonium premissorum presentes nostras litteras in hanc publicam formam per notarios publicos subscriptos redegi sigillique nostri autentici ac signo et subscriptione notariorum subscriptorum iussimus et fecimus appensione communiri Datum et actum infra burgum de Edinburgh in loco nostre residentie hora secunda post merediem |