parietem terrestrem apud lie Sandepott ad occidens communem venellam qua itur a civitate veteris Aberdonie ad lie tyle burn mouth ad boream dictum regale collegium et terras eiusdem ad austrum dicto Thome Stradauchin et Agnete Lownan eius sponse . . . in coniuncta infeodatione . . Tenendum. . . in feodifirma et hereditate imperpetuum . . . Reddendo inde annuatim dictus Thomas Stradauchin Agnes Lownan eius sponsa... heredesque sui. . . nobis et successoribus nostris capellanis dicte ecclesie collegiate Aberdonensis pro tempore pro predicta petia terre seu crofto cum decimis garbalibus eiusdem . . . Summam trium librarum usualis monete regni Scotie ad duos anni terminos consuetos... Et duplicando dictam summam trium librarum in introitu cuiuslibet heredis tantum pro omni alio onere . . . In cuius rei testimonium sigillum nostrum commune huic presenti carte nostre manibus nostris subscripte unacum sigillo dicti reverendi patris et sua subscriptione manuali necnon sigillo communi dicti collegii in signum eorum consensus et assensus ad premissa est appensum apud dictam civitatem veteris Aberdonie . . . die mensis Februarii anno Domini millesimo quingentesimo quadragesimo quarto.

Papalis provisio et collatio Willelmi Cranstoun in principalatum collegii . 81. Paulus episcopus servus servorum Dei dilecto filio Willelmo Cranstoun principali ecclesie collegii scholarium beate Marie Aberdonensis magistro in artibus salutem et apostolicam benedictionem litterarum scientia vite ac morum honestas aliaque laudabilia probitatis et virtutum merita super quibus apud nos fidedigno commendaris testimonio nos inducunt ut tibi reddamur ad gratiam liberales. Dudum siquidem omnes dignitates ceteraque beneficia ecclesiastica cum cura et sine cura apud sedem apostolicam tune vacantia et in antea vacatura collationi et dispositioni nostre reservavimus Decernentes ex tunc irritum et inane si secus super hiis a quoquam quavis auctoritate scienter vel ignoranter contingeret attemptari. Cum itaque postmodum principalatus ecclesie collegii scholarium beate Marie Aberdonensis per liberam resignationem dilecti filii Johannis Bissait nuper ipsius ecclesie principalis de illo quem tunc obtinebat per dilectum filium Jacobum Salmondi clericum Glasguensem procuratorem suum ad hoc ab eo specialiter constitutum in manibus nostris sponte factam et per nos admissam apud sedem predictam vacaverit et vacet ad presens nullusque de illo preter nos

hac vice disponere potuerit sive possit reservatione et decreto obsistentibus. supradictis nos tibi premissorum meritorum tuorum intuitu specialem gratiam facere volentes Teque a quibusvis excommunicationis suspensionis et interdicti aliisque ecclesiasticis sententiis censuris et penis a jure vel ab homine quavis occasione vel causa latis siquibus quomodolibet innodatus existis ad effectum presentium duntaxat consequendum harum serie absolventes et absolutum fore censentes . . . Nulli ergo omnino hominum liceat hanc paginam nostre absolutionis collationis provisionis decreti derogationis et voluntatis infringere vel ei ausu temerario contraire Siquis autem hoc attemptare presumpserit indignationem omnipotentis Dei ac beatorum Petri et Pauli apostolorum eius se noverit incursurum Datum Rome apud sanctum Petrum anno Incarnationis Dominice millesimo quingentesimo quadragesimo sexto quarto kalendas Martii pontificatus nostri anno tertio decimo .

Preceptum sasine pro Thoma Seres.

82. Jacobus Awell cantor Alexander Wrycht sacrista Johannes Strachquhin Thomas Seres David Barnis Alexander Smytht Duncanus Gormak et Johannes Smytht prebendarii et capellani chori ecclesie regalis collegii universitatis Abirdonensis dilectis nostris Johanni Blakhair Alexandro Paip . . . ballivis nostris . . . Salutem quia dedimus . . confratri nostro magistro Thome Seres suis heredibus et assignatis. . . totam et integram illam petiam terre arabilis . . . jacentem ex parte australi torrentis appellati Powes burn prope dictum collegium inter dictum torrentem ad boream crofta hospitalis sancti Petri ad oriens et austrum et foveam sive stagnum dicti crofti ad occidens necnon totam et integram illam petiam terre . . jacentem e regione cimiterii ecclesie parochialis beate Marie ad nives inter' terram dicti magistri Thome ad boream stagnum dividens huiusmodi petiam terre a crofto supra memorato ad oriens terras Andree Cuke ad austrum et communem viam regiam ad occidens in feodifirmam . . . sub certa pensione annua nobis et successoribus annuatim solvenda . . . Quare vobis

...

precipimus. . . quatenus . . . prefato magistro Thome Seres ... sasinam . . . predictarum terrarum . . . deliberetis. . . In cuius rei testimonium sigillum nostrum commune unacum subscriptionibus nostris manualibus presentibus est appensum apud civitatem Aberdonensem ultimo die

mensis Aprilis anno Domini millesimo quingentesimo quadragesimo sexto coram hiis testibus magistro Johanne Vatsoun domino Johanne Cowill Andrea Myll et Andrea Vrycht. Alex' Vrycht sacrista sua manu Joannes Straquhyne manu propria Dauid Bernis manu propria dominus Duncanus Cormak manu propria dominus Joannes Smytht sua manu dominus Alexander Smytht manu propria

83. Instrumentum sasine super prefato precepto 28 Julii 1547.

Annuus reditus de Fairley.

84. Omnibus hanc cartam visuris vel audituris Patricius Cheyn de Essillmontht miles et dominus proprietatis terrarum omnium et singularum de Nedder Fortry alias Graye Fortre seu Fairley cum pertinentiis salutem

cum expresso consensu Thome Cheyn filii mei senioris et apparentis heredis noveritis me . . . dedisse . . . discretis viris octo capellanis chori regalis collegii universitatis Aberdonensis modernis et eorum successoribus Totum et integrum unum annuum redditum undecim mercarum usualis monete regni Scotie annuatim per eosdem levandum . . . de totis et integris terris meis de Nedder Fortree alias Graye Fortree seu Fairley cum molendinis et pertinentiis eiusdem jacentibus infra vicecomitatum de Aberdene et regalitatem Sancti Andree et baroniam de Ellain apud aquam de Ythan ad duos anni terminos pro quadam certa summa pecunie quam dicti capellani. . . mihi . persolvebant . . . Tenendum . . . in feodo et hereditate imperpetuum . . . In quorum omnium et singulorum fidem et testimonium veritatis premissorum sigillum meum proprium unacum mea subscriptione manuali necnon subscriptione dicti Thome Cheyne in signum sui consensus et assensus presentibus est appensum apud Aberdene primo die mensis Decembris anno Domini millesimo quingentesimo quinquagesimo coram testibus venerabili viro magistro Jacobo Wawane rectore de Owyne magistris Johanne Chalmer Andrea Hervy Andrea Mathou et Martino Howesone cum diversis aliis.

Bulla collationis Alexandri Andersone in principalatum .

85. Julius episcopus servus servorum Dei dilecto filio Alexandro Andersone clerico Aberdonensis diocesis licentiato in theologia salutem et apostolicam benedictionem litterarum scientia vite ac morum honestas aliaque laudabilia probitatis et virtutum merita super quibus apud nos fidedigno commendaris testimonio nos inducunt ut illa tibi favorabiliter concedamus que tuis commoditatibus fore conspicimus opportuna cum itaque hodie tu cui nuper de principalatu ecclesie beate Marie virginis collegii universitatis studii Aberdonensis tunc per liberam resignationem dilecti filii Johannis Bissat olim ipsius ecclesie principalis de illo quem tunc obtinebat per dilectum filium Jacobum Thorntoun clericum Sancti Andree diocesis procurato rem suum ad id ab eo specialiter constitutum in manibus nostris sponte factam et per nos admissam apud sedem apostolicam vacante sub data videlicet septimo idus Februarii pontificatus nostri anno secundo concesseramus provideri concessioni gratie huiusmodi litteris apostolicis desuper non confectis per dictum Jacobum etiam procuratorem tuum ad id a te specialiter constitutum in eiisdem manibus sponte et libere cesseris nosque cessionem huiusmodi admittentes de dicto principalatu adhuc tunc ut prefertur vacante et antea dispositioni apostolice reservato eidem Johanni apostolica auctoritate providerimus seu providere concesserimus nos tibi ne ex predicta cessione nimium dispendium patiaris de alicujus subventionis auxilio providere ac premissorum meritorum tuorum intuitu specialem gratiam facere volentes teque a quibusvis excommunicationis suspensionis et interdicti aliisque ecclesiasticis sententiis censuris et penis a jure vel ab homine quavis occasione vel causa latis si quomodolibet innodatus existis ad effectum presentium duntaxat consequendum harum serie absolventes et absolutum fore censentes necnon omnia et singula beneficia ecclesiastica cum cura et sine cura que etiam ex quibusvis dispensationibus apostolicis obtines et expectas ac in quibus et ad que ius tibi quomodolibet competit quecunque quocunque et qualiacunque sint eorumque fructuum reddituum et proventuum veros annuos valores necnon dispensationum huiusmodi tenores presentibus pro expressis habentes tibi regimen studentium capellanorum dicti collegii et omnimodam potestatem regendi et corrigendi defectus quoslibet eiusdem collegii membra quecunque quomodolibet concernentes ac officium docendi et predicandi ad principalem eiusdem ecclesie

pro tempore existentem legitime pertinentia vita tua durante ipsius Johannis ad hoc et indultum infrascriptum per Jacobum supradictum similiter procuratorem suum ad hoc ab eo specialiter constitutum expresso accedente consensu dicta auctoritate tenore presentium reservamus tibique quod prefato Johanne cedente vel decedente aut principalatum predictum alias quomodolibet dimittente et illo quovismodo vacante liceat tibi ad eundem principalatum qui inibi dignitas principalis existit et cuius ac illi forsan annexorum fructus redditus et proventus sex librarum sterlingorum secundum communem extimationem valorem annuum ut asseris non excedunt etiam si ad illum consueverit quis per electionem . . . eique cura etiam jurisdictionalis immineat animarum vigore presentium quas vim valide et efficacis provisionis tibi de illo exnunc prout extunc et e contra eadem auctoritate facte obtinere decernimus liberum habere accessum et ingressum illiusque et dictorum annexorum corporalem possessionem prestito prius per te fidelitatis debite solito iuramento iuxta formam quam sub bulla nostra mittimus introclusam per te vel alium seu alios propria auctoritate libere apprehendere et absque alia tibi desuper facienda provisione in omnibus et per omnia perinde ac si illum per triennium et ultra pacifice possedisses retinere auctoritate apostolica et tenore predictis de speciali gratia indulgemus Quocirca venerabili fratri nostro episcopo Liparensi et dilectis filiis precentori ecclesie Moraviensis ac officiali Aberdonensi per apostolica scripta mandamus quatenus ipsi vel duo aut unus eorum per se vel alium seu alios faciant auctoritate nostra te possessione seu quasi regiminis potestatis et officii ac facultate juris accedendi et ingrediendi necnon in eventum ipsius accessus et ingressus recepto prius a te nostro et Romane ecclesie nomine juramento supradicto etiam possessione principalatus et annexorum huiusmodi juxta reservationis et indulti predictorum continentiam et tenorem pacifice gaudere non permittentes te per dictum Johannem seu quoscunque alios desuper quomodolibet indebite molestari contradictores auctoritate nostra appellatione postposita compescendo non obstantibus constitutionibus et ordinationibus apostolicis ac primodicte ecclesie juramento confirmatione apostolica vel quavis firmitate alia roboratis statutis et consuetudinibus contrariis quibuscunque aut si aliqui super provisionibus sibi faciendis de dignitatibus primodicte ecclesie speciales vel aliis beneficiis ecclesiasticis in illis partibus generales prefate sedis vel legatorum eius litteras impetrarint etiam si per eas ad inhibitionem reservationem et decretum vel alias quomodolibet sit processum quibus omnibus te in assecutione dicti principalatus