E TYPOGRAPHEO REIPUBLICAE CAROLUS POUSSIELGUE, BIBLIOPOLA 15, RUE CASSETTE, 15 LIPSIAE : OTTO HARRASSOWITZ MDCCCCVII Opus in duobus codicibus asservatur, nempe : 1° Brit. Mus. Add. 12, 174, et 2o Berolin. Sachau 3 2 1 ; de quibus pauca praefati sumus in nostra editione textus syriaci. Haec autem vita, quae graece proculdubio scripta est, ab interprete, ut videtur, syro vel compilatore « Zachariae scholastico, qui historiam ecclesiasticam scripsit » (qui a ceteris appellatur e rhetor ») attribuitur, quod utriusque operis comparatio confirmat; sed, quin auctor Zacharias scholasticus Gazensis fuerit, qui Severi vitam composuit, ob locum Vitae Severi (ed. Kugener , p. 83), vix dubitari potest; unde duos Zacharias eandem fuisse personam effici videtur; id quod negavit Kugener, argumentis operi quod nondum apparuit reservatis 1 : verum ut de hac re disputem spatium non suppetit. Cum opus Misaeli cubiculario inscriptum sit, id inter annos 492 2 et 518 vulgatum esse constat, sed materiam iam anno 488 collectam esse a loco vitae Severi supra citato probavit Kugener. Auctor se vitam Petri Iberi (cuius fragmentum in hoc volumine edidi) et vitam Theodori Antinoes (nunc deperditam) iam antea scripsisse adfirmat. Notitia bibliographica : a. Editio : J. P. N. LAND, Anecdola Syriaca, t. III, p. 346356; Leiden, 1870. |